កំពង់ឆ្នាំង៖ក្រោយពីអាជ្ញាធរស្រុកជលគីរីបានផ្សព្វផ្សាយសេចក្តីណែនាំលេខ
០៩
ស.ជ.ណ ចុះថ្ងៃទី១៤ ខែមករា ឆ្នាំ២០១៥ របស់ឯកឧត្តម ឈួរ ច័ន្ទឌឿន
អភិបាលខេត្ត ស្តីពីការចាត់វិធានការណ៍លុបបំបាត់
ឧប ករណ៍ឆក់ត្រីរួចមក
អាំងវែកទ័រឆក់ត្រីចំនួន១២៣គ្រឿងត្រូវបានប្រជាពលរដ្ឋស្ម័គចិត្តប្រគល់ជូន
អោយអាជ្ញាធរស្រុកជលគីរីតែឧបករណ៍ឆក់ត្រីរបស់ប្រជាពលរដ្ឋមួយចំនួនធំ
ទៀតនៅលាក់លៀមមិនទាន់បាន
ប្រគល់អោយនៅឡើយ។
លោក
យិន សាវ៉េន អភិបាលនៃគណៈអភិបាលស្រុកជលគីរីនិយាយអោយដឹងតាមទូរស័ព្ទ នៅ ម៉ោង១១និង១០នាទីថ្ងៃទី០៥ ខែកុម្ភៈ ឆ្នាំ២០១៥នេះថា៖ក្នុង
ការចាត់វិធានការណ៍លុបបំបាត់ឧបករណ៍ ឆក់ត្រីតាមសេចក្តីណែនាំ
លេខ០៩របស់ឯកឧត្តមអភិបាលខេត្ត អាជ្ញាធរស្រុកបានចាត់វិធានការណ៍ គឺការចុះផ្សព្វផ្សាយក្នុងវេទិកាគោលនយោបាយភូមិឃុំមានសុវត្ថិភាព ដែលបានធ្វើរួចចំនួន២០លើកលើ២៦ភូមិ មានអ្នកចូលរួមចំនួន៩០២នាក់ និងបានចុះចែក
សេចក្តីណែនាំជូនប្រជាពលរដ្ឋតាមផ្ទះ និងមុខសញ្ញាឆក់ត្រីចំនួន៣.១២៥សន្លឹក។ក្នុងនោះដែរលោកបានអោយនគរបាលប៉ុស្តិរដ្ឋបាលសហការជាមួយសមត្ថកិច្ចជំនាញ
ជលផល ចុះស្រង់មុខសញ្ញាដែលមានឧបករណ៍ឆក់ត្រី មាន២៨៧នាក់ ក្នុងនោះមាន
ឃុំព្រៃគ្រីមាន២៤មុខសញ្ញា ឃុំកោះថ្កូវមាន៧៦មុខសញ្ញា ឃុំពាមឆ្កោក១២០មុខសញ្ញា ឃុំកំពង់អុស២៣មុខសញ្ញា ឃុំជលសាមាន៤៤មុខសញ្ញា។
ក្រោយពីអាជ្ញាធរស្រុកបានអនុវត្តចលនាប្រជាពលរដ្ឋតាមខ្លឹមសាលិខិតនែនាំដែល
បានចែកជូន រួចមក អាំងវែកទ័រឆក់ត្រីចំនួន១២៣គ្រឿង
ត្រូវបានប្រជាពលរដ្ឋក្នុង៤ឃុំ ស្ម័គ្រចិត្តយកមកប្រគល់ជូន អាជ្ញាធរ និង សមត្ថកិច្ចរបស់ស្រុកជលគីរី។
លោកអភិបាលស្រុកបានបញ្ជាក់អោយដឹងទៀតថា៖នៅរសៀលថ្ងៃទី០៤
ខែកុម្ភៈ
ឆ្នាំ២០១៤ គណៈបញ្ជាការឯកភាពរដ្ឋបាលស្រុកជលគីរី បានបើកកិច្ចប្រជុំមួយដើម្បី
បូកសរុប
និងលើកវិធានការសំរាប់អនុវត្តបន្ត ទី១គឺគណៈបញ្ជាការឯកភាពរដ្ឋបាលស្រុក
ត្រូវប្រើប្រាស់កំលាំងសរុប វិធានការណ៍សរុប
មធ្យោបាយសរុបដោយសហការជាមួយ
កំលាំងទាំំងអស់ដែលនៅក្នុងស្រុកបន្តអនុវត្តអោយបានខ្លាំងក្លា
និងផុលផុសតាមសេចក្តី
ណែនាំលេខ០៩របស់លោកអភិបាលខេត្ត។ទី២គឺត្រូវចុះជួបមុខសញ្ញា
ផ្ទាល់ដល់ផ្ទះតែម្តង
និងធ្វើកិច្ចសន្យាអោយបញ្ឈប់ការប្រព្រឹត្តបទល្មើសនេសាទទី៣គឺត្រូវប្រើវិធានការណ៍
ឃ្លាំមើលទាំងមុខសញ្ញាដែលបានប្រគល់អោយហើយនិងមុខសញ្ញាដែលកំពុងលាក់
ទុកឧបករណ៍ឆក់។
វិធានការណ៍ទាំង៣ចំណុចខាងលើនេះ
អាជ្ញាធរស្រុកនឹងបន្តអនុវត្តចាប់ពីថ្ងៃទី០៥ រហូតដល់ថ្ងៃទី ១០ ខែកុម្ភៈ ឆ្នាំ២០១៥ នឹងធ្វើការបូកសរុបម្តងទៀតដើម្បីដឹង
ថាតើការស្ម័គ្រចិត្តរបស់ប្រជាពលរដ្ឋក្នុងការប្រគល់នូវឧបករណ៍ល្មើសនេះបាន
ប៉ុន្មានភាគរយ
ហើយអ្នកដែលកំពុងប្រព្រឹត្តនូវបទល្មើសឆក់នេះនឹង ត្រូវ ទទួលទោសតាមបញ្ញត្តិច្បាប់ជាប់គុកពី១ឆ្នាំដល់៣ឆ្នាំ
ព្រោះថាបទល្មើសឆក់ត្រីនេះ ធ្វើ
អោយ ប៉ះពាល់យ៉ាងធ្ងន់ធ្ងរដល់ពូជមច្ឆាជាតិព្រមទាំងអាចគ្រោះថ្នាក់ដល់ជីវិតមនុស្ស
ក្នុងមូលដ្ឋានទៀតផង៕
