សហភាពសហព័ន្ធយុវជនកម្ពុជារាជធានីភ្នំពេញសហការជាមួយស.ស.យ.កខេត្តកំពង់ឆ្នាំងរៀបចំប្រារព្ធទិវាកុមារអន្តរជាតិ១មិថុនា និងបានចែក អំណោយសម្ភារៈសិក្សាជូនដល់សិស្សានុសិស្សចំនួន៣៥០០នាក់

កំពង់ឆ្នាំង៖សហភាពសហព័ន្ធយុវជនកម្ពុជារាជធានីភ្នំពេញ សហការណ៍ជាមួយស.ស.យ.កខេត្តកំពង់ឆ្នាំងនិងសាលាបឋមសិក្សាគំរូក្រុងកំពង់ឆ្នាំង នៅព្រឹកថ្ងៃទី៣០ ខែឧសភា ឆ្នាំង

២០១៥ បានរៀបចំប្រារព្ធទិវាកុមារអន្តរជាតិ ១មិថុនា ខួបលើកទី៦៦នៅក្នុងសាលាបឋម
សិក្សាគំរូក្រុងកំពង់ឆ្នាំងក្រោមអធិបតីភាពឯកឧត្តម ម៉ាន សុគ្រី អនុរដ្ឋលេខាធិការក្រសួង
កសិកម្ម និងជាសមាជិកអចិន្រៃយ៍ ស.ស.យ.រាជធានីភ្នំពេញ  លោកជំទាវ សួស រដ្ឋាវី 
អនុរដ្ឋលេខាធិកាក្រសួងការងារ និងជាសមាជិ កអចិន្ត្រៃយ៍ ស.ស.យ.រាជធានីភ្នំពេញ   
លោក ង៉យ ហេន តំណាងអង្គការមូលនិធិកុមារកម្ពុជា  លោក សោម សុជាតា អនុប្រធាន 

ស.ស.យ.ក ខេត្តកំពង់ឆ្នាំងលោកហ៊ីងភ័ព្វមិនា  អភិបាលរងក្រុងកំពង់ឆ្នាំងអ៊ុំសាខន
តំណាងមន្ទីរអប់រំខេត្តប្រតិភូសសយករាជធានីភ្នំពេញប្រតិភូអង្គរមូលនិធិកុមារកម្ពុជា 

លោកគ្រូអ្នកគ្រូ នាយកសាលាមកពីសាលាបឋមសិក្សា៣គឺៈសាលាគំរូក្រុង សាលា

បឋមសិក្សាអនុវត្តន៍ និង សាលាបឋមសិក្សាក្តីត្នោត ព្រមទាំងសិក្សានុសិស្សជាង

១.០០០នាក់ចូលរួមក្នុងកម្មវិធីនេះផងដែរ។លោកសោមសុជាតាអនុប្រធានសសយកខេត្តកំពង់ឆ្នាំងបានអោយដឹងថា៖សសយក
រាជធានីភ្នំពេញនិងអង្គការមូលនិធិកុមារកម្ពុជា ក៍បាននាំមកសម្ភារៈសិក្សា សម្ភារៈកីឡា 

និងស្បែកជើង ចែកជូនដល់សិស្សានុសិស្សចំនួន៣៥០០នាក់នៅក្នុងសាលាបឋម

សិក្សាទាំង៣គឺសាលាគំរូក្រុង សាលាបឋមសិក្សាអនុវត្តន៍ និង សាលាបឋមសិក្សា
ក្តីត្នោត ហើយសសយកខេត្តកំពង់ឆ្នាំងបានឧបត្ថម្ភថវិការៀបចំកម្មវិធីចំនួន៤១ម៉ឺនរៀល
សំរាប់រៀបចំក្នុងកម្មវិធីផងដែរ។

     លោកជំទាវ សួស រដ្ឋាវី អនុរដ្ឋលេខាធិកាក្រសួងការងារ និងជាសមាជិកអចិន្ត្រៃយ៍ 

ស.ស.យ.រាជធានីភ្នំពេញ  បានអានសេចក្តីថ្លែងការណ៍របស់សម្តេចនាយករដ្ឋមន្ត្រី 
ហ៊ុន សែន ប្រមុខរាជរដ្ឋាភិបាលកម្ពុជាដោយបញ្ចាក់ថា៖កុមារកម្ពុជាត្រូវបានយក
ទុកដាក់ថែទាំ និងចាត់ទុកកុមារជាពន្លកថ្មីនៃប្រទេសជាតិ និងកុមារត្រូវបានគោរព
សិ ទ្ធជាមូលដ្ឋាន គឺសិទ្ធរស់រានមានជីវិត  សិទ្ធរៀនសូត្រ  សិទ្ធអភិវឌ្ឍន៍ និងសិទ្ធិ
ក្នុងការចូលរួម។ក្នុងនោះដែរ គ្រប់គ្នាត្រូវចូលរួមទប់ស្កាត់និងប្រឆាំងពលកម្មលើ
កុមារ ទារុណកម្មលើកុមារ ការជួញដូរស្ត្រីនិងកុ មារ យកចិត្តទុកដាក់ថែទាំ

សុខភាពមាតានិងទារក។គ្រប់មាតាបិតានិងអាណាព្យាបាល ត្រូវបញ្ជូនកូនចៅ
គ្រប់អាយុអោយចូលរៀន គ្រប់សាលាបឋមសិក្សារបស់រដ្ឋ លោកគ្រូ អ្នកគ្រូត្រូទទួលសិស្សអោយចូលរៀនដោយមិនបង់ថ្លៃ និងនៅគ្រប់មូលដ្ឋាន
ត្រូវយកចិត្តទុកដាក់ជួយទំនុកបំរុងកុមារក្រីក្រ កុមារកំព្រា កុមារគ្មានទីពឹង 

អោយពួគេបានចូលរៀន មានបាយហូបចុកគ្រប់គ្រាន់ មិនបណ្តែតបណ្តោយ

អោយកុមារដើរសុំទាន អោយកុមារសេពគ្រៀងងញៀនឡើយ។

            ឯកឧត្តមម៉ាន សុគ្រីសមាជិកអចិន្រ្តៃសសយករាជធានីភ្នំពេញ បានមាន
ប្រសាសន៍ ថា៖ថ្ងៃទី១ ខែមិថុនា ជាទិវាខួបលើកទី៦៦ទិវាកុមារអន្តរជាតិ និងជាខួបលើក
ទី១៤ ទិវាពិភពលោកប្រឆាំងពលកម្មកុមារថ្ងៃទី១២មិថុនា ឆ្នាំ២០១៥។ការប្រារព្ធខួប

ទិវាកុមារអន្តជាតិនេះ គឺនៅលើអន្តជាតិបានរំលឹកឡើងវិញនូវរបបអីធ្លែរ ដែលបានកាប់សម្លាប់កុមាររាប់ពាន់នាក់ក្នុងពេលដែលគេគ្រប់គ្រងអំណាច។

ដោយឡែកនៅក្នុងប្រទេសកម្ពុជា ក៏មិនភ្លេចដែរនៅក្នុងរបបប៉ុពត ដែលគេបង្ខំអោយ

កុមារកម្ពុជារាប់ម៉ឺននាក់ធ្វើពលកម្មលើកទំនប់ជីកប្រឡាយ និងកុមារមួយចំនួនក្លាយ

ជាឃាតករដ៏សាហាវសម្លាប់ជាតិសាសន៍ឯង។អ្វីដែលមានដូចថៃ្ងនេះគឺដោយសារគុណថៃ្ងរំដោះ៧មករាឆ្នាំ១៩៧៩ក្រោមការដឹកនាំ
ដ៏ឈ្លាសវៃប្រកបដោយគតិបណ្ឌិតរបស់សម្តេចអគ្គមហាសេនាទាំងបីប្រមុខដឹក

នាំគណបក្សប្រជាជនជាពិសេសនយោបាយឈ្នះឈ្នះរបស់សម្តេចតេជោ

ហ៊ុនសែនចាប់កសាងប្រទេសតាំងពីបាតដៃទទេរហូតដល់មានការរីកចំរើនដូច

បច្ចុប្បន្ននេះ។

           

នៅចុងបញ្ចប់កម្មវិធីនេះគណៈអធិបតីបានចែកអំណោយជាសម្ភារៈសិក្សា សម្ភារៈ
កីឡា និងស្បែកជើងដល់សិស្សានុសិស្សចំនួនយ៣០នាក់តំណាងអោយសិស្ស
សាលាបឋមសិក្សា ចំនួន៣៥០០នាក់នៅក្នុងសាលាបឋមសិក្សាទាំង៣ចែករង្វាន់
អនុស្សាវរីយ៍ដល់លោក គ្រូអ្នកគ្រូនិងបានដាំកូនឈើទុកជាអនុស្សាវរីយ៍ 
ដើម្បីអបអរសាទរទិវាកុមារអន្តរជាតិ១មិថុនានិងបុគ្គលិកអង្គការបានប្រលងគូ
គំនូរនិងលេងល្បែងល្បងប្រាជ្ញាផងដែរ៕Vannak

Read more...

សាខាកាកបាទក្រហមខេត្តខេត្តកំពង់ឆ្នាំងនាំយកអំណោយចែកជូនគ្រួសារជនរងគ្រោះ រន្ទះបាញ់ស្លាប់និងពស់ចឹករលួយជើង

កំពង់ឆ្នាំង៖អនុវត្តតាមគោលនយោបាយរបស់ប្រមុខរាជរដ្ឋាភិបាល  និងគោលការណ៍

មនុស្សធម៌របស់កាកបាទក្រហមកម្ពុជា នៅព្រឹកថ្ងៃទី៣០ ខែឧសភា ឆ្នាំ២០១៥នេះ

លោកជំទាវកែច័ន្ទមុនីអនុប្រធានកត្តិយស គណៈកម្មការធិការសាខាកាកបាទក្រហមខេត្ត និងឯកឧត្តមអ៊ុនសំអុលប្រធានគណៈកម្មាធិការសាខាកាកបាទក្រហមខេត្ត រួមដំណើ

ដោយលោកម៉មឈឿមលោកស្រីឡុញពិសាសមាជិកកាកបាទក្រហមខេត្តកំពង់ឆ្នាំង

បាននាំយកអំណោយ ទៅផ្តល់ជូនក្រុមគ្រួសារជនរងគ្រោះមួយគ្រួសារ ដែលរងគ្រោះ

ដោយរន្ទះបាញ់ស្លាប់ និងគ្រួសារមួយទៀតដែលកុមារាម្នាក់រងគ្រោះដោយពស់ចឹក

រលួយជើង។

          លោក ឈួរ ថន ចៅសង្កាត់ខ្សាមអោយដឹងថា៖បុរសដែលត្រូវរន្ទះបាញ់ស្លាប់

កាលពីម៉ោង៥និង៤៥នាទីល្ងាចថ្ងៃទី២៩ ខែឧសភា ឆ្នាំ២០១៥ នៅចំណុចបឹងធំ គឺជាប្រជាពលរដ្ឋរបស់លោក រស់នៅក្នុងភូមិទី៦ សង្កាត់ខ្សាម  ជនររគ្រោះមានឈ្មោះ 

ស៊ូ យន ហៅពៅ អាយុ៤៣ឆ្នាំ  មានប្រពន្ធចុងឈ្មោះ ប៉ោង សុភា អាយុ៣៧ឆ្នាំ នាងក៏បានរងរបួសធ្ងន់ដោយសាររន្ទះបាញ់ជានួយប្តីដែរ  នាងមានប្តីមុនកូន៥នាក់។ចំណែកប្រពន្ធដើមបុរសរងគ្រោះ ឈ្មោះ ឯក វ៉ុន អាយុ៣៩ឆ្នាំ មានកូន៤នាក់ រស់នៅក្នុងភូមិចំការតាម៉ៅ ឃុំស្រែថ្មី ស្រុករលាប្អៀរ  ពួកនាងទាំង២នាក់គឺសុទ្ធ

តែជាគ្រួសារក្រីក្រ។

          ឯកឧត្តម អ៊ុន សំអុល ប្រធានគណៈកម្មាការធិការសាខាកាកបាទក្រហមខេត្ត ជាអភិបាលរងខេត្ត និងលោកជំទាវ កែ ចន្ទ័មុនី អនុប្រធាកិត្តិយសគណៈកម្មាការធិការ

សាខាកាកបាទក្រហមខេត្ត  បាននាំយកអំណោយចែកជូនគ្រួសារបុរសរងគ្រោះ

ខាងលើនេះនៅក្នុងសាលាបុណ្យភូមិទី៦សង្កាត់ខ្សាម ដើម្បីឧបត្ថម្ភក្នុងពិធីបុណ្យសព 

រួមមាន៖ អង្ករ៥០គីឡូ និងថវិកា៤០ម៉ឺនរៀល ដែលជាអំណោយរបស់កាកបាទក្រហម

កម្ពុជាខេត្តកំពង់ឆ្នាំង និងលោកជំទាវកែច័ន្ទមុនី។

          ដោយឡែកនៅក្នុងមន្ទីរពេទ្យខេត្តវិញនៅព្រឹកថ្ងៃដដែល  ស្រ្តីឈ្មោះ ឈឿន យ៉េនអាយុ២៨ឆ្នាំ រស់នៅភូមិកន្លែងភេ ឃុំគោកបន្ទាយ ស្រុករលាប្អៀរ  ជាម្តាយកុមារា

ឈ្មោះ យន្ត័ ចន្ទ័លី អាយុ១០ឆ្នាំ ដែលបានរងគ្រោះដោយពស់ចឹករលួយប្តអប់ជើងខាង

ស្តាំ កាលពី៣ខែមុន មើលមិនជាក៏បានទទួលអំណោយពីឯកឧត្តម និងលោកជំទាវ

ចំនួន២៣ម៉ឺនរៀល និងគ្រឿងឧបភោគមួយចំនួនទៀតហើយលោកជំទាវកែច័ន្ទមុនីបាន

ឧបត្ថម្ភដល់អ្នកជំងឺ២នាក់ម្នាក់ៗ២ម៉ឺនរៀលផងដែរ។

          ឯកឧត្តមនិងលោកជំទាវ បានមានប្រសាសន៍ទោកាន់ក្រុមគ្រួសារជាជនរង

គ្រោះទាំង២គ្រួសារថា៖អោយទាំងនេះគឺជាអំណោយមនុស្សធម៌របស់កាកបាទក្រហម

កម្ពុជា និងសប្បុរសជន ដែលផ្តល់ជូនជនរងគ្រោះទាំងអស់ដោយមិនប្រកាន់និន្នាការ

ជាអ្វីឡើយ  ដែលនេះគឺជាគោលនយោបាយរបស់រាជរដ្ឋាភិបាលដឹកនាំដោយសម្តេច

នាយករដ្ឋមន្ត្រី ហ៊ុនសែន  ដែលតែគិតគូរដល់សុខទុក្ខប្រជាពលរដ្ឋរងគ្រោះ

គ្រប់ទីកន្លែង៕  Vannak

         

Read more...

គ្រួសារម្ចាស់មេគោដែលត្រូវរថយន្តបុកបានទទួលថវិការបស់សម្តេចតេជោហ៊ុនសែននិង សម្តេចកិត្តិព្រឹទ្ធបណ្ឌិតប៊ុនរ៉ានីហ៊ុនសែន

កំពង់ឆ្នាំង៖នៅព្រឹកថៃ្ងទី២៩ខែឧសភាឆ្នាំ២០១៥ឯកឧត្តមឈួរច័ន្ទឌឿន

អភិបាលខេត្តកំពង់ឆ្នាំងរួមដំណើរដោយឯកឧត្តមកែវ ពៅប្រធានមន្ទីរ

សាធារណៈការខេត្តលោក ម៉ម ឈឿមប្រធានមន្ទីរព័ត៌មានខេត្តលោក

ឡុចសុវណ្ណារ៉ាស្នងការរងខេត្តលោកហៃមនោរម្យអភិបាលក្រុងកំពង់ឆ្នាំង

និងអាជ្ញាធរដែនដីបានចុះសាកសុខទុក្ខនិងនាំយកថវិកា៨០ម៉ឺនរបស់

សម្តេចតេជោហ៊ុនសែននិងសម្តេចកិត្តិព្រឹទ្ធបណ្ឌិតប៊ុនរ៉ានីហ៊ុនសែនជូន

ដល់គ្រួសារគ្រួសារឈ្មោះ គឹម ឆៃ អាយុ៥៣ឆ្នាំ និងប្រពន្ធឈ្មោះ ញឹក ចាន់ឌី 
អាយុ៥០ឆ្នាំ រស់នៅក្នុងភូមិធម្មយុត្ត សង្កាត់ប្អេរ ក្រុងកំពង់ឆ្នាំង។

        លោក ឡុច វណ្ណារ៉ា ស្នងការរងទទួលបន្ទុកការិយាល័យកណ្តាល

សណ្តាប់ធ្នាប់បានអោយដឹងថា៖ម្ចាស់គោមានឈ្មោះ គឹម ឆៃ អាយុ៥៣ឆ្នាំ និង
ប្រពន្ធឈ្មោះ ញឹក ចាន់ឌី អាយុ៥០ឆ្នាំ រស់នៅក្នុងភូមិធម្មយុត្ត សង្កាត់

ប្អេរ ក្រុងកំពង់ឆ្នាំង ហើយមានមុខរបរធ្វើស្រែ និងចិញ្ចឹមគោញី។នៅវេលាម៉ោង៥និង៣០នាទីថ្ងៃទី២៨ ខែឧសភា ឆ្នាំ២០១៥ លោក គឹម ឆៃ បានដឹកគោឆ្លងថ្នល់បំរុងយកទៅឃ្វាលនៅចំណុចទួលអំពិលដូចសព្វមួយ

ដង នៅពេលគាត់កំពុងដឹកគោឆ្លងថ្នល់នោះ មានរថយន្តមួយគ្រឿងបាន

បើកក្នុងល្បឿនយ៉ាងលឿននៅក្នុងក្រុង មកបុកចំគោញីគាត់មួយក្បាលនោះ

ងាប់ភ្លាមៗនៅកន្លែងកើតហេត។ក្រោយមកម្ចាស់រថយន្តបានទាមទារអោយគាត់សងប្រាក់ចំនួន៥០០ដុល្លា ដោយគ្មានប្រាក់គាត់នឹងប្រពន្ធបានអោយគោងាប់នោះទៅម្ចាស់រថយន្តទៅ។

        ឯកឧត្តម ឈួរ ច័ន្ទឌឿន បានមានប្រសាសន៍ថា៖សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានីហ៊ុនសែន ក្រោយពីបាននូវព័ត៌មានខាងលើ

ភ្លាមៗ សម្តេចទាំង២បានអោយឯកឧត្តម ចុះមកពិនិត្យមើលដល់ផ្ទះ និងបាន

ផ្ញើជូននូវថវិកាចំនួន៨០ម៉ឺនរៀល គ្រាន់ដោះស្រាយជីវភាពនិងសំរួលនូវការ

លំបាកបានមួយរយៈជូនដល់គ្រួសារលោកគឹមឆៃ។ឯកឧត្តមក៍បានក្រើនរំលឹកផងដែរដល់សមត្ថកិច្ចជំនាញអោយពង្រឹងបន្ថែម

ទៀតទៅលើអ្នកបើកបរហួសល្បឿនកំណត់នៅក្នុងក្រុង បើមានករណីបុក

សត្វពាហនៈឆ្លងថ្នល់ត្រូវអនុវត្តតាមច្បាប់ តែក៍ត្រូវមើលទិដ្ឋភាពជុំវិញ និងដោះស្រាយអោយទទួលយកបានទាំងសងខាង។

       អាជ្ញាធរដែនដី លោក គឹម ឆៃ និងប្រពន្ធ បានថ្លែងអំណរគុណយ៉ាង

ជ្រាវជ្រៅដល់សម្តេចតេជោហ៊ុនសែន និងសម្តេចកិត្តិព្រឹទ្ធបណ្ឌិតសូមជូនពរ

សម្តេចទាំងពីរជួបតែនិងសេចក្តីសុខមានជន្មាយុយឺនយូរ មានសុខភាព

ល្អបរិបូណ៌ ឈ្នះអស់មាសត្រូវគ្រប់ទិសទីដើម្បីដឹកនាំនាវាកម្ពុជាអោយ

កាន់តែរីកចំរើននិងទទួលបានសមិទ្ធផលថ្មីបន្ថែមទៀត៕Vannak

 

Read more...