កំពង់ឆ្នាំង ៖ ប្រជាពលរដ្ឋនៅ ខេត្ត កំពង់ឆ្នាំងយ៉ាងច្រើនកុះករ បានមកជួបជុំគ្នា
នៅតាមទីវត្តអារាមក្នុងភូមិស្រុករបស់ខ្លួន ដើម្បីប្រារព្ធពិធីបុណ្យមាឃបូជា ដែល
ជាបុណ្យមួយក្នុងចំណោមបុណ្យធំៗ
ក្នុងវិស័យព្រះពុទ្ធសាសនាជាពិសេសប្រទេស
កាន់ព្រះពុទ្ធសាសលើសកលលោក តែងតែប្រារព្ធធ្វើបុណ្យនេះជារៀងរាល់ឆ្នាំ។
ពិធីបុណ្យមាឃបូជាឆ្នាំនេះ ត្រូវបានប្រារព្ធធ្វើឡើងនៅគ្រប់ទីវត្តអារាមក្នុងខេត្ត
កំពង់ឆ្នាំងនៅព្រឹកថ្ងៃទី
៣ ខែកុម្ភៈ ឆ្នាំ២០១៥ និងមានការចូលរួមពីសំណាក់អាជ្ញាធរដែនដីគ្រប់លំដាប់ថ្នាក់
សិស្សានុសិស្ស សីលវន្ត សិលវតី និង ពុទ្ធបរិស័ទ យ៉ាងច្រើនកុះករ។ បន្ទាប់ពីប្រារព្ធពិធីនានាតាមបែបព្រះពុទ្ធសាសនារួចមកនៅ
តាមវត្តក៏មាន ពិធីរាប់បាតប្រគេនព្រះសង្ឃដើម្បីឧទ្ទិសកុសលដល់ញ្ញាតិសន្តាន
ជាដូនជីតាដែលបានចែកឋាននិងរំលឹកដល់បុព្វបុរសខ្មែរដែលបានបូជាជីវិតដើម្បី
បុព្វហេតុជាតិមាតុភូមិនិងប្រជាពលរដ្ឋដែលបានស្លាប់ក្នុងរបស់ប៉ុលពតផងដែរ។
គោលបំណងសំខាននៃការប្រារព្ធធ្វើពិធីបុណ្យមាឃបូជាគឺដើម្បីរំលឹកដល់ថ្ងៃជា
មហាមង្គលទាំងពីរ នៃព្រះសម្មាសម្ពុទ្ធបរមគ្រូ ដែលទ្រង់ប្រកាសដាក់ព្រះជន្មាយុ
សង្ខារផង និងថ្ងៃប្រជុំចតុរង្គមហាសន្និបាតនៃព្រះអរហន្តទាំង ១២៥០ អង្គផង។
ជារៀងរាល់ឆ្នាំ ចំពោះពុទ្ធសាសនិកខ្មែរយើង តែងតែប្រារព្ធធ្វើបុណ្យមាឃបូជា
នៅគ្រប់វត្តអារាមនៅទូទាំងប្រទេស ដោយចាត់ទុកថា ជាការបំពេញមហាកុសល
ដ៏ថ្លៃថ្លាបំផុត។ ឆ្នាំនេះ ពិធីបុណ្យមាឃបូជា និងប្រព្រឹត្តទៅរយៈពេល ២ ថ្ងៃ គឺថ្ងៃ
អង្គារ ១៥កើត និងថ្ងៃពុធ ១រោចខែមាឃ ព.ស.២៥៥៨ ត្រូវនឹងថ្ងៃទី ៣-៤ ខែកុម្ភៈ
ឆ្នាំ២០១៥។ នៅក្នុងប្រទេសកម្ពុជាក៏បានធ្វើបុណ្យមាឃបូជា ដូចប្រទេសពុទ្ធសាស
និកទាំងពួងផងដែរ គឺប្រារព្ធធ្វើតាំងពីរជ្ជកាលព្រះបាទសម្ដេចព្រះមុនីវង្សមក រាជ
រដ្ឋាភិបាលបានកំណត់ថ្ងៃពេញបូណ៌មី ខែមាឃជាថ្ងៃបុណ្យសម្រាប់ជាតិ ហៅ
យ៉ាងខ្លីថាជាថ្ងៃបុណ្យខាងព្រះពុទ្ធសាសនា៕
