ក្មេង៤ឆ្នាំឆ្លងថ្នល់ម៉ូតូហុងដាឌ្រីមបុកអូសប្រមាណជិត១០ម៉ែត្ររបួសធ្ងន់ ស្រាល៣នាក់

កំពង់ឆ្នាំង៖ ស្ត្រីបើកបរម៉ូតូម្នាក់ និងកុមារអាយុ៤ឆ្នាំម្នាក់រងរបួសធ្ងន់ 

និងយុវជន ម្នាក់​រងរបួស ស្រាលក្នុងហេតការណ៍គ្រោះថ្នាក់ចរាចរណ៍

ម៉ូតូបើកបុកក្មេងរត់ឆ្លងថ្នល់។ ករណី​នេះបានកើតឡើងវេលាម៉ោង

៣និង៣០នាទីល្ងាចថ្ងៃទី១០ ខែកុម្ភៈ ឆ្នាំ២០១៥ ស្ថិត ក្នុងភូមិ​ដំណាក់

ពពូល សង្កាត់កំព​ង់ឆ្នាំង ក្រុងកំពង់ឆ្នាំង។

សមត្ថកិច្ចនគរបាលចរាចរណ៍ក្រុងកំពង់ឆ្នាំងបានអោយដឹងថា៖ស្រ្តីរង

គ្រោះជាអ្នកបើកបរម៉ូតូឈ្មោះ នុត សាវ៉ាត អាយុ៣៨ឆ្នាំ រងរបួសធ្ងន់ និង
កូនប្រុសឈ្មោះ អឿន ផាន់ណា អាយុ១៦ឆ្នាំ ជិះពីក្រោយរងរបួស

ស្រាល រស់នៅក្នុងភូមិទួលខ្សាច់ ឃុំជ្រៃបាក់ ស្រុករលា​ប្អៀរ​។ចំណែក
កុមាររត់ឆ្លងថ្នល់ឈ្មោះ នឿន វិមាន អាយុ៤ឆ្នាំ រងរបួសធ្ងន់

​មានឳពុ​ក​ឈ្មោះ ស៊ុំ សារ៉ែន អាយុ៣១ឆ្នាំ និងម្តាយឈ្មោះ ឈៀង 

ចាន់ថុល អាយុ៣១ឆ្នាំ រស់នៅ​ក្នុង​ភូមិសង្កាត់កើតហេតុខាងលើ។

មុនពេលកើតហេតុគេឃើញស្ត្រីឈ្មោះ នុត សាវ៉ាត បានឌុបកូនប្រុស

ពីក្រោយ ក្នុង​ទិសដៅពីតិបូងទៅជើងដោយជិះម៉ូតូម៉ាកហុងដាសេ១២៥ 

ពណ៌ខ្មៅ ពាក់ស្លាកលេខ កំពង់ឆ្នាំង1D-1925 លុះមកដល់ចំណុច

កើតហេតុក៍ស្រាប់តែកុមារាឈ្មោះ នុត សាវ៉ាត អាយុ​៤ឆ្នាំបានរត់ឆ្លងថ្នល់

ពីកើតមកលិច បណ្តាលអោយស្ត្រីដែលកំពុងបើកម៉ូតូគេចមិន​ទាន់ ក៍បានបុកដួលទាំងអស់គ្នាអូសចំងាយប្រមាណជិត១០ម៉ែត្រ រងរបួស

ធ្ងន់២នាក់ និងរបួសស្រាលម្នាក់។

ក្រោយពេលកើតហេតុអ្នករងរបួសទាំង៣នាក់ ត្រូវបានអ្នកជិតខាង

ក្នុងភូមិដឹកទៅ សង្គ្រោះបន្ទាន់នៅមន្ទីរពេទ្យខេត្តកំពង់ឆ្នាំង។ចំណែកម៉ូតូត្រូវបានសមត្ថកិច្ចនគរបាលចរាចរណ៍ក្រុងកំពង់ឆ្នាំង 

ធ្វើការវាស់វែង និងកសាងសំណុំរឿងតាមនីតិវិធី។Tharith