កំពង់ឆ្នាំង៖
ពិធីប្រកាសតែងតាំងប្រធានមន្ទីរកិច្ចការនារីខេត្តកំពង់ឆ្នាំងប្រារព្ធ
ក្រោមអធិបតីភាពលោកជំទាវ ឃឹម ចំរើន រដ្ឋលេខាធិការក្រសួងកិច្ចការ
នារីតំណាងដ៏ខ្ពង់ខ្ពស់របស់លោកជំទាវ អ៊ឹង កន្ថាថាវីរដ្ឋមន្រ្តីក្រសួងកិច្ចការ
នារី លោកជំទាវដោក សុទ្ធា ប្រធានក្រុមប្រឹក្សាខេត្តកំពង់ឆ្នាំង
និង មានការ
ចូលរួមពី លោកលោកស្រីប្រធានមន្ទីរ អង្គភាពជុំវិញខេត្ត និង មន្រ្តីមន្ទីរ
កិច្ចការនារីខេត្ត នារសៀលថ្ងៃទី២១
ខែមករា ឆ្នាំ២០១៥ នៅសាលប្រជុំ
សាលាខេត្តកំពង់ឆ្នាំង ។
លោកម៉ី ហ៊ុល អគ្គនាយករងរដ្ឋបាលបុគ្គលិកនៃក្រសួងកិច្ចការនារី បានអាន
ប្រកាសតែងតាំងលេខ២៤៣៨កកន/ប្រកចុះថៃ្ងទី៣១ខែធ្នូឆ្នាំ២០១៤របស់
ក្រសួងកិច្ចការនារី ត្រូវបានតែងតាំងលោកស្រីឈុំចាន់សុខ អនុប្រធានមន្ទីរ
ទៅជាប្រធានមន្ទីរកិច្ចការនារីខេត្តកំពង់ឆ្នាំង។ដោយលោកជំទាវប៉ាល់យឿន
អតីតប្រធានមន្ទីរកិច្ចនារីខេត្តដែលត្រូវបានតែងតាំងជាអភិបាលរងខេត្តកំពង់ឆ្នាំង។
បន្ទាប់ពីគណៈអធិបតីបានប្រគល់ប្រកាស និង ប្រគល់ត្រាជូនលោកស្រីឈុំចាន់សុខ
ប្រធានមន្ទីរទើបតែងតាំងថ្មីរួចមក លោកស្រីឈុំចាន់សុខ បានធ្វើការប្តេជ្ញាចិត្ត
ដោយខិតខំយក ចិត្តទុកដាក់ក្នុងការបំពេញភារកិច្ចអោយអស់ពីកំលាំងកាយចិត្ត
ចូលរួមអនុវត្តកម្មវិធីកំណែទម្រង់ស៊ីជម្រៅគ្រប់វិស័យរបស់ រាជរដ្ឋាភិបាល
ខិតខំបំពេញភារកិច្ចដោយគោរព និងអនុវត្តអោយបានម៉ឺងមាត់តាមច្បាប់ និង
បទបញ្ញត្តិនានារបស់រដ្ឋ និងអាជ្ញាធរមូលដ្ឋានសហការជាមួយបណ្ដាមន្ទីរអង្គភាព
ជុំវិញខេត្ត រាល់ការអនុវត្តភារកិច្ចអោយបានរលូន រៀបចំប្រព័ន្ធគ្រប់គ្រងការងារ
ជំនាញតាមរចនាសម្ព័ន្ធដែលច្បាប់បានកំណត់ សាមគ្គីផ្ទៃក្នុងអោយបានល្អ
ជាពិសេសសហការមួយអាជ្ញាធរដែនដីគ្រប់លំដាប់ថ្នាក់ដើម្បីរួមចំណែក
សកម្មភាពអភិវឌ្ឍន៍ជាមួយអាជ្ញាធរខេត្តនិងអាជ្ញាធរមូលដ្ឋានគ្រប់លំដាប់ថ្នាក់
អោយកាន់តែមានការរីកចំរើននៅសមទ្ធផលថ្មីៗថែមទៀត។
មាន ប្រសាសន៍សំណេះសំណាលនៅក្នុងពិធីនោះដោកសុទ្ធា និង លោកជំទាវ
ឃឹមចំរើនបានមានប្រសាសន៍សង្កត់ធ្ងន់លើការអនុវត្តគោលនយោបាយ
កំណែទម្រង់ស៊ីជំរៅរបស់រាជរដ្ឋាភិបាល និងការបំរើសេវាជូនប្រជាពលរដ្ឋ
អោយបានទាន់ពេលវេលា។ លោកជំទាវប្រធានក្រុមប្រឹក្សាខេត្តកំពង់ឆ្នាំង និងលោកជំទាវ រដ្ឋលេខាធិការក្រសួងកិច្ចការនារី បានផ្ដាំផ្ញើដល់ប្រធាន
មន្ទីរទើបតែងតាំងថ្មី អោយខិតខំបំពេញភារកិច្ចអោយបានល្អក្នុងការគ្រប់គ្រង
បែងចែកតួនាទី ភារកិច្ចដល់មន្ត្រីនៅក្រោមឱវាទអោយបានច្បាស់លាស់ត្រឹមត្រូវ
តាមសមត្ថភាព និងអនុវត្តកម្មវិធីកំណែទម្រង់របស់រាជរដ្ឋាភិបាលនិតិកាលទី៥
នៃរដ្ឋសភា ដែលមានសម្តេចអគ្គមហាសេនាបតីតេជោហ៊ុនសែនជានាយករដ្ឋមន្រ្តី។
ការធ្វើកំណែទម្រង់វាមានសារៈសំខាន់ជាច្រើនចំពោះមន្ត្រីរាជការ ពិសេសគឺការ
លុបបំបាត់ភាពអសកម្ម លុបបំបាត់អំពើពុករលួយ និង មានតម្លាភាពចំពោះមន្រ្តីរាជការ របស់ខ្លួនហើយសហការជាមួយអាជ្ញាដែនដីគ្រប់លំដាប់ថ្នាក់
ឆ្ពោះទៅអភិវឌ្ឍន៍នៅមូលដ្ឋានដើម្បីរួមចំណែកយ៉ាងសកម្មសំដៅកាត់បន្ថយភាព
ក្រីក្ររបស់ប្រជាជនយើង៕ឈាងវណ្ណៈ
