ព្រឹកថ្ងៃទី១៩ ខែធ្ន្នូ
ឆ្នាំ ២០១៣ នៅសាលប្រជុំសាលាខេត្ត(ផ.អ៣)
មានរៀបចំការប្រជុំស្តីពីការត្រួតពិនិត្យលើសេចក្តីព្រាងកម្មវិធីវិនិយោគបីឆ្នាំរំកិល(២០១៤.២០១៦)របស់ខេត្តកំពង់ឆ្នាំង
ក្រោមអធិបតីភាពឯកឧត្តមអ៊ុនសំអុលអភិបាលរងខេត្តកំពង់ឆ្នាំង ដោយមានការចូលរួមពី មន្រ្តីកសាងផែនការរបស់ខេត្តកំពង់ឆ្នាំង ដែលតំណាងអោយមន្ទីរវិស័យ
អង្គភាពជុំវិញខេត្ត។
លោកទីប៊ុនថាតំណាងអោយលោកប្រធានទីប្រឹក្សាគ្រប់គ្រងគំរោងកម្មវិធីជាតិប្រចាំខេត្តកំពង់ឆ្នាំងបានអោយដឹងថា៖ការប្រជុំរយៈពេលមួយព្រឹកនេះដោយមានការចូលរួមពិភាក្សាផ្តល់យោបល់យ៉ាង
ផុលផុសរបស់សមាជិកសមាជិកាដែលជាមន្រ្តីគណកម្មការកសាងផែនការខេត្តនិងជាតំណាង
អោយមន្ទីរវិស័យអង្គភាពជុំវិញខេត្ត។គោលបំណងសំខាន់ដើម្បីបន្តអនុវត្តគោលនយោបាយ
របស់រាជរដ្ឋាភិបាលអាណត្តិទី៥ឈានទៅអភិវឌ្ឍន៍នៅមូលដ្ឋានរួមចំណែកយ៉ាងសកម្មក្នុងការកាត់
បន្ថយភាពក្រីក្ររបស់ប្រជាជនយើង។
ឯកឧត្តម អ៊ុន សំអុល បានសម្ដែងការកោតសរសើរចំពោះមន្រ្តីក្នុងគណកម្មការ
កសាងផែនការខេត្ត ទីប្រឹក្សាគំរោងកម្មវិធី ព្រមទាំងអង្គភាពដែល ពាក់ព័ន្ធ អង្គការនានា និង
ដៃគូអភិវឌ្ឍន៍ដែលបានចូលរួមសហការ អនុវត្ដនូវផែនការសកម្មភាពកម្មវិធីវិនិយោគបីឆ្នាំរំកិលរបស់ខេត្តកំពង់ឆ្នាំង ឆ្នាំ(២០១៤-២០១៦)។ កម្មវិធីវិនិយោគខេត្តកំពង់ឆ្នាំងជាច្រើនដែលយើងអនុវត្តបានជោគជ័យនៅអាណត្តិទី៤កន្លងមក
សំរាប់ការអភិវឌ្ឍន៍លើគ្រប់វិស័យនៅទូទាំងខេត្តកំពង់ឆ្នាំង ។ លទ្ធផលទាំអស់នេះវាជាកញ្ចក់ឆ្លុះបញ្ចាំងនិង បង្ហាញអោយច្បាស់អំពីការយក ចិត្ដទុកដាក់ក្នុងការចូលរួមនិងការគាំទ្ររបស់អង្គភាពជុំវិញខេត្ត ដៃគូរអភិវឌ្ឍន៍ និង អង្គការនានា
ចូលរួមចំណែកក្នុងការអភិវឌ្ឍន៍សំដៅលើកកម្ពស់កំរិតជីវភាពរស់នៅរបស់ប្រជាពលរដ្ឋ
យើងអោយកាន់មានភាពធូរធារនៅតាមមូលដ្ឋាន ៕